കെ. കെ. എം. ജമാലുദ്ദീന് മൗലവി
നോവല് രചനയെ പ്രബോധന മാധ്യമാക്കിയ മലയാളി പണ്ഡിതന് 1909 ല് പണ്ഡിത കുടുംബത്തിലാണ് ജനനം. പിതാവ് ആയഞ്ചേരി കുളമുള്ളതില് കുഞ്ഞഹമ്മദ് മുസ്ല്യായാര്. പിതാവിന്റെ സഹോദര പുത്രന് തറക്കണ്ടി...
ഹാറൂന് യഹ്യ
ഉള്ളടക്കം
”പരിണാമസിദ്ധാന്തം, ലോകം നിയന്ത്രിക്കുന്നവര് നമ്മുടെ മേല് അടിച്ചേല്പ്പിച്ച കൃത്രിമമല്ലാതെ മറ്റൊന്നുമല്ല.” 2004 നവംബറില് നാഷണല് ജിയോഗ്രഫിക്കിന്റെ ഇംഗ്ലീഷ്, ജര്മന് എഡിഷനുകളില് ഇങ്ങനെ എഴുതിവച്ചതിനു പിന്നില് ഹാറൂന് യഹ്യ നടത്തിയ ബൗദ്ധിക പോരാട്ടമാണ്.
ഡാര്വിനിസത്തിനും ഭൗതികവാദത്തിനുമെതിരെയുള്ള ഹാറൂന് യഹ്യ എന്ന അദ്നാന് ഒക്താറിന്റെ ബൗദ്ധിക പോരാട്ടത്തിന് ലോകമെമ്പാടും അനുരണനങ്ങളുണ്ടായി. പരിമാണസിദ്ധാന്തത്തിന്റെ പൊള്ളത്തരങ്ങള് പൊളിച്ചെഴുതുന്നതിലും സൃഷ്ടിയുടെ പിന്നിലെ യഥാര്ഥ വസ്തുതകള് വെളിച്ചത്തുകൊണ്ടുവരുന്നതിലും ഒക്താറിനെ ‘ഇന്റര്നാഷണല് ഹീറോ’ എന്ന് വിശേഷിപ്പിച്ചത് 2000 ഏപ്രില് 22ന്റെ ന്യൂസയന്റിസ്റ്റ് റിപ്പോര്ട്ടാണ്.
തുര്ക്കിഷ് ചിന്തകനും എഴുത്തുകാരനും പണ്ഡിതനുമാണ് അദ്നാന് ഒക്താര്. ഹാറൂന് യഹ്യ എന്ന തൂലികാനാമത്തില് അറിയപ്പെടുന്നു. 1956ല് തുര്ക്കിയിലെ അങ്കാറയില് ജനിച്ചു. 1979ല് ഇസ്തംബൂളിലേക്ക് കുടിയേറിപ്പാര്ത്തു. ഡാര്വിന്റെ പരിണാമ സിദ്ധാന്തത്തിനെതിരായ വിമര്ശത്തിലാണ് അദ്ദേഹത്തിന്റെ എഴുത്തുകള് കേന്ദ്രീകരിച്ചിരിക്കുന്നത്. ഫ്രീമേസന് പ്രസ്ഥാനം, സയണിസം, നിരീശ്വരവാദം, ഭൗതികവാദം തുടങ്ങിയ പ്രസ്ഥാനങ്ങളെയും വിചാര പദ്ധതികളെയും വിമര്ശനാത്മകമായി വിലയിരുത്തുന്ന പണ്ഡിതരിലൊരാളാണ് ഹാറൂന് യഹ്യ.
ഇസ്ലാമിനെ മറ്റുള്ളവര്ക്കു പരിചയപ്പെടുത്തുന്ന ദൗത്യം മിമര് സിനാന് യൂണിവേഴ്സിറ്റിയിലെ പഠനകാലത്തു തന്നെ ആരംഭിച്ചിരുന്നു. എന്നാല് പഠനം പൂര്ത്തിയാകുന്നതിനു മുമ്പേ യൂണിവേഴ്സിറ്റി വിട്ടു. 1980-84 കാലങ്ങളില് ശാസ്ത്രസത്യങ്ങളുടെ പിന്ബലത്തില് മതത്തെ പരിചയപ്പെടുത്തുന്നതിനായി അദ്ദേഹം ഇസ്താംബൂളിലെയും മറ്റും വിദ്യാസമ്പന്നരായ ചെറുപ്പക്കാരെ സംഘടിപ്പിച്ച് പ്രവര്ത്തിച്ചിരുന്നു. ഭൗതിക തത്വശാസ്ത്രങ്ങളെ കുറിച്ചും ആശയങ്ങളെകുറിച്ചും വിദ്യാര്ഥിയായിരിക്കെ തന്നെ ഗവേഷണം നടത്തി. ചാള്സ് ഡാര്വിന്റെ പരിണാമ സിദ്ധാത്തിന്റെ പോരായ്മകളെ കുറിച്ച് ഒട്ടേറെ എഴുതുകയും ഗ്രന്ഥങ്ങള് രചിക്കുകയും ചെയ്തു.
നാഷണല് ജിയോഗ്രഫിക്, സയന്സ്, ന്യൂ സയന്റിസ്റ്റ്, എന് എസ് സി ഇ റിപ്പോര്ട്സ് എന്നീ ആനുകാലികങ്ങളില് നിരന്തരം എഴുതിക്കൊണ്ടിരിക്കുന്നു. സയണിസത്തെ വിമര്ശിക്കുന്ന നിരവധി പുസ്തകങ്ങളും ഹാറൂന് യഹ്യ രചിച്ചിട്ടുണ്ട്. 1986ല് ‘ജൂതായിസം ആന്റ് ഫ്രീ മേസണ്റി’ എന്ന പുസ്തകം പ്രസിദ്ധീകരിച്ചു. ഇതേത്തുടര്ന്ന് ജൂത സമൂഹത്തില് നിന്ന് തീവ്രമായ ഭീഷണികള് നേരിട്ടു. ഇതിനു തൊട്ടുപിന്നാലെ അദ്ദേഹത്തെ അറസ്റ്റ് ചെയ്ത് 19 മാസം ജയിലിലിടുകയും മാനസികാശുപത്രിയില് നിരീക്ഷണത്തില് വെക്കുകയും ചെയ്തിരുന്നു. 1990ല് ഇദ്ദേഹം സയന്റിഫിക് റിസര്ച്ച് ഫൗണ്ടേഷന് (എസ്.ആര്.എഫ്) രൂപം നല്കി.
ഹാറൂന് യഹ്യയുടെ ഗ്രന്ഥങ്ങള് ഇംഗ്ലീഷ്, ഫ്രഞ്ച്, ജര്മന്, മലയാളം, പോര്ചുഗീസ്, ഇറ്റാലിയന്, റഷ്യന്, സ്പാനിഷ്, അറബിക്, അല്ബേനിയന്, സെര്ബോക്രോട്ട്, പോളിഷ്, ഉര്ദു, ഇന്തൊനേഷ്യന്, കസാഖ്, അസെറി, മലായ് തുടങ്ങിയ ഭാഷകളിലേക്ക് വിവര്ത്തനം ചെയ്യപ്പെട്ടിട്ടുണ്ട്. വ്യത്യസ്ത വിഷയങ്ങളിലായി നൂറിലേറെ പുസ്തകങ്ങള് അദ്ദേഹത്തിനായുണ്ട്. ഡാര്വിന്റെ പരിണാമസിദ്ധാന്തത്തെ തള്ളിക്കളയുന്ന സൃഷ്ടിയുടെ ഭൂപടം (അറ്റ്ലസ് ഓഫ് ക്രിയേഷന്സ്) എന്ന ഗ്രന്ഥം ഏറെ വിവാദങ്ങള് സൃഷ്ടിച്ചു.
കൃതികളില് ചിലത്:
- Taking the Qur’an as a Guide, Terrorism : The Ritual of the Devil
- Prayer in the Qur’an ,Hopefulness in the Qur’an
- Taking the Qur’an as a Guide
- The Miracle of Creation in DNA
- The Mercy of Believers
- Darwinism Refuted : How the Theory of Evolution Breaks Down in the Light of Modern Science
- The Nightmare of Disbelief, Quick Grasp of Faith
- The Collapse of the Theory of Evolution in 20 Questions
- The Miracle of Human Creation book
- The Miracle of Creation in Plants
- Design in Nature
- The World of Animals : Children, Have you Ever Thought Series Book
- The Glory in the Heavens:, Wonders of Allah’s Creation:, Why Darwinism is Incompatible with the Qur’an
- The Winter of Islam and the Spring to Come
- The Importance of Conscience in the Qur’an
- Some Secrets of the Qur’an
- Signs of the Last Day
- Only Love can Defeat Terrorism
- Justice and Tolerance in the Qur’an
- Global Freemasonry
- 24 Hours in the Life of a Muslim
- Perfected Faith
- Miracle in our Bodies
- The Importance of Patience in the Quran
- Devoted to Allah
- The Miracle of Hormones
- The Qur’an Leads the Way to Science
